Поэзия (Шигърият)

Туган як йөрәгемә күркәм

Печать

Ни өчен кадерле Илеш ягы?

Сорауга җавап әзер күптән.

Булса да дөньяның төрле чагы,

Туган як йөрәгемә күркәм.

Күз алдында иркен басулары,

Иген белән Илеш данлыклы.

Эшлекле, арымасын куллары,

Кешеләр булдыра барлыкны.

Кара алтын тапкач туган якның,

Ачылды икенче сулышы.

Шатланып җырлыйбыз, сүзләр хаклы,

Бик әйбәт халыкның тормышы.

Сөн дә, Базы коя Агыйделгә,

Аларга багышлыйбыз җырлар.

Ямь биреп торалар газиз җиргә,

Күзне назлап зифа каеннар.

Ни өчен кадерле Илеш ягы?

Сорауга җавап әзер күптән.

Булса да дөньяның төрле чагы,

Туган як йөрәгемә күркәм.

Фәнис Рәхмәтуллин,

Дүртөйле шәһәре.