Сельское хозяйство

Һәр фермага - азык муллыгы!

Җәйге көннең кыйммәте зур

Авыл кешесенең иркенләп ял итәргә дә вакыты юк, чөнки язгы басу эшләре тәмамланып, Сабантуйлар үтү белән, мал азыгы әзерләү чоры башлана. Кызу мәл икәнен һәркем яхшы аңлый. Борынгылар: “Җәйге көннең кыйммәте зур”, - дип юкка әйтмәгән.

Илеш-Агро” җәмгыятенең “Игенче” производство участо-гында “яшел урак”оешкан төстә бара. Быел мал азыгы культуралары 912 гектарны били. Аның 325га – кукуруз, 327 - берьеллык, калганы күпь-
еллык үлән чәчүлекләре булып, люцерна, кәҗә үләне, арыш сенажга салына. Әлеге вакытта 900 т сенаж тупланып, аны 4000 тоннага җиткерү исәпләре. Шул рәвешле, һәр шартлы баш малга 35-40 ц хәзерләүне максат итеп куйганнар. Комбайнчылар Илшат Хаҗиев (“
JAGUAR-830”), Илнур Калкаманов (“ДОН-680”), Рәзил Шәехов (“КСК-100”) комбайннары белән яшел массаны урып, маши-наларга төяп җибәрәләр. Сенажны тәҗрибәле шоферлар Фәйзи Сәлимов, Айрат Чириев, Ринат Нәбиев (“КамАЗ”), Вәдит Сәрвәров (“ГАЗ-53”), Альберт Сәгабиев (“Т-150”) техникаларында өзеклекләргә юл куймыйча, ташып торалар.


Подробнее...

Дәүләт техник карауларында

Егәрленең - эше көйле

Районда барлыгы 145 ашлык уру комбайны исәпләнә. Аларның төзеклеген, урып-җыю эшләренә әзерлеген тикшерү максаты белән районда 17-27 июнь көннәрендә дәүләт техник караулары планлаштырылып, беренчесе «Үзәк МТС» ДУАХПның Илеш филиалында үткән һәм 34 комбайн каралып, 19 эшкә әзер, дип табылган.

20 июнь көнне чираттагысы районда алдынгылар рәтендә булган «Урожай» ширкәтендә дәүләт техник күзәтчелеге инспекциясе начальнигы Валерий Пантелимонов җитәкчелегендә үтеп, ул ширкәт уңганнарының бу чарага 100 проц. әзерлек белән килүләрен күрсәтте. Барлыгы 6 ком-байн – 2 «Палессе», 4 «ДОН-1500 Б» каралды. Әйтергә кирәк, баш инженер Рәдис Миңниятуллинның ныклы контроле, эшкә җитди каравы, комбайнчылар белән уртак тел табуы, үз вазыйфасының бар нечкәлекләрен белүе күренеп тора. Аның кул астында күп еллар эшләгән тәҗрибәле механизаторлар Илшат һәм Инсаф Исламовлар, Евгений Көмешбаев, Эдуард Ким, Марсель Кадраев, Азат Зарипов техник караулар таләпләрен төгәл үтәгәннәр: документлар тәртиптә, комбайнчылар медицина караулары үткән, техника эшкә әзер, һәр комбайнда аптечка, икешәр янгын сүндергеч бар. Алар үзләренә беркетелгән техниканы кабызып, ашлык уру-сугу механизмнарын эшләтеп күрсәтте. Әлбәттә, биредә ширкәт җитәкчелегенең запас частьларны вакытында кайтарту турында кайгыртуы да мөһим роль уйнаган.

Әйтергә кирәк, «Урожай» ширкәте «Палессе» комбайннарын районда иң беренчеләрдән булып алып кайтты һәм отылмады. Бу техника үзен яхшы яктан күрсәтте, шуңа күрә алардан үрнәк алып, башка хуҗалыклар да юнәтү хәстәрен күрә башлады. Шунысы куанычлы, ел саен районның АПК предприятиеләренә 10-12шәр техника алына. Шушы көннәрдә «Илеш МТС» җәмгыятенә дә 2 «КЗС-1218 Палессе» комбайны кайтарылачак.

Егәрленең - һәр җирдә дә эше көйле. Урожайлылар моны тагы бер кат исбатлады - комбайннар дәүләт техник караула-рын үтте, алар механизаторлар белән комплектланган, кыскасы, урып-җыюга әзерләр.

Алсу Басыйрова.



Уңыш-2013

Басу эшләре көндәлеге

(Күрсәткечләр –20 июньгә).

Район хуҗалыкларында агротехник чаралардан – бөртекле культуралар чәчелгән мәйданнарга химик утау, кукурузның һәм көнбагышның рәт араларын һәм чиста пар җирләрен эшкәртү – тәмамлану алдында. Һава торышы бозылганчы бу эшләрне кичекмәстән төгәлләргә кирәк, чөнки авыл эшчәннәре җаваплылыгына тагы бер мөһим – мал азыгы әзерләү бурычы өстәлде.


Подробнее...

Сабантуй призерларында

Беренче урын яуладык

Кадер авыл советы авыл биләмәсе территориясендә 440 хуҗалык исәпләнә. Аларны төзекләндерү, экологик хәвефсезлекне һәм санитар чисталыкны тәэмин итү авыл хакимияте җитәкчелегеннән ныклы контроль һәм тиешле эш оештыруны таләп итә. Бу максатта үткән еллардагы планлы чараларны дәвам итеп, Тирә-як мохитне саклау елы рамкаларында һәр гражданга табигатьнең кадерен белүнең һәм җирләрдән дөрес файдалануның мөһимлеген аңлату буенча төрле әңгәмәләр үткәрдек.


Подробнее...

Район конкурсларында

Ферма эшчәннәре бәйгесе үтте

Һәр елны хуҗалыклар-ның машина белән сыер саву операторлары һәм малларны ясалма орлык-ландыру техниклары алдынгылары арасында район күләмендә конкурс оештыру традициягә әве-релде. Быел ул М.Горький ис. хуҗалыкның Сеңрән фермасының җәйге ла-геренда үтте.

Конкурс тантаналы шартларда башланып, аны район авыл хуҗалыгы идарәсе начальнигы И.Хәмидуллин ачты. Ул бәйгедә катнашучылар-ны котлап, теләкләрен җиткерде. БР дәүләт Гимны астында бәйрәм флагын күтәрү хокукы узган елдагы конкурс җи-ңүчеләре - М.Горький ис. кооперативның машина белән сыер саву операторы Венера Зариповага һәм “Урожай” ширкәтеннән малларны ясалма орлык-ландыру технигы Радик Харисовка бирелде. Ары-таба авыл хуҗалыгы ида-рәсенең баш зоотехнигы Альберт Мөхәммәтҗанов ярышның планы, шартла-ры, кагыйдәләре, судьялар составы белән таныштырды.


Подробнее...

Страница 9 из 51