Общество

Район халкы игътибарына!

Конкурс игълан ителә

Муниципаль район хакимияте карарына ярашлы, туган якны тирәнтен өйрәнү, районыбызның тарихи, мәдәниятле һәм табигый мирасларын популярлаштыру максатында «Илеш районының җиде могҗизасы» район конкурсы үткәрелә. Анда авыл советы авыл биләмәләре, физик һәм юридик шәхесләр, җәмәгать оешмалары катнаша ала. Конкурсның төп бурычлары: Илеш районы территориясендә урнашкан күренекле, тарихи-мәдәниятле урыннарны, уникаль табигый объектларны, архитектура төзелешләрен, монументаль-сәнгать һәйкәлләрен ачыклау.

Конкурс 4 этаптан торачак.

I этапта, ягъни 1 февральдан 1 мартка кадәр гаризалар кәгазь һәм электрон вариантларда Югары Яркәй авылы, Кызылармеецлар урамы, 35 адресы буенча 17, 21 кабинетларда кабул ителә яки 8(34762) 5-15-66, 5-10-18 телефоны буенча мөрәҗәгать итә аласыз.    Истәлекле, күренекле урыннар табигый объектлар, архитектура һәйкәлләре, кулдан эшләнгән, борынгы әйберләр юнәлеше буенча билгеләнәчәк.

II этап – (1 март - 30 апрель) тапшырылган материалларны эшкәртү. Ай барышында район  «Маяк» гәзитендә материаллар, «Илеш телерадиокомпаниясе» МАУда тапшырулар «Илеш районының җиде могҗизасы» дигән махсус рубрика астында дөнья күрәчәк. Шулай ук алар муниципаль район хакимиятенең рәсми сайтында урын алачак.

III этап — (1май – 1июнь) ачык тавыш бирү үткәрелә. Аны  муниципаль район хакимиятенең яки  «Маяк» гәзитенең рәсми сайтларында: www.ilesh.ru, www:ilishmayak.ru “Илеш районының җиде могҗизасы – тавыш бирү» сылтанмасына кереп, яисә 8(34762) 5-10-18 телефоны аша  бирергә мөмкин.

IV этап – (1– 15 июнь) конкурска йомгак ясалып, районыбызның җиде могҗизасы билгеләнәчәк, җиңүчеләр бүләкләнәчәк.

Өстәмә мәгълүматны Югары Яркәй авылы, Кызылар-меецлар урамы,35 адресы буенча урнашкан 17,21 кабинетларда яки 8(34762) 5-15-66, 5-10-18 телефоннары буенча муниципаль район хакимиятенең муниципаль хезмәт, мәгълүмати-аналитика һәм кадрлар эше бүлегендә белә аласыз.

Оештыру комитеты.

 

 


Актуаль темага

Бәхәсле мәсьәләгә ачыклык кертеп

Узган ел ахырында районның авыл советы авыл биләмәләрендә халык җыеннары үтте. Анда мәрхүмнәрне соңгы юлга озату мәсьәләсе дә күтәрелеп, бу җәһәттән халык тарафыннан төрле сораулар бирелде. Әйтергә кирәк,  мөселманнарда дин буенча үлгән кешене яру каралмаган, шуңа күрә бу гамәл бәхәсләр тудыра. Әлеге мәсьәләгә ачыклык кертү максатында район үзәк дәваханәсе бүлекчәсе - суд-медицина экспертиза бюросы җитәкчесе, медицина өлкәсендә 18 еллык хезмәт стажына ия Олег Газизовка мөрәҗәгать иттек. Олег Дамир улы түбәндәгеләрне сөйләде:


Подробнее...

Актуаль темага

Халыкны социаль яклау республика үзәге эшли башлады

2014 елның 1 гыйнварыннан Халыкны  социаль яклау республика үзәге үз эшен башлады. Район хезмәт һәм халыкны социаль яклау бүлеге һәм «Дүртөйле шәһәре һәм Илеш районы буенча субсидияләр үзәге» ДКУ районара филиалы төркеме ликвидацияләнеп, аларның эшен һәм бурычларын безнең районда Башкортстан Республикасы Дүртөйле районы һәм Дүртөйле шәһәре буенча халыкны социаль яклау республика  үзәге филиалы  дәүләт казна учреждениесенең Илеш районы  бүлеге  үтәячәк. Бу үзгәрешләр уңаеннан без  әлеге бүлекнең  начальнигы Татьяна Васильевага мөрәҗәгать иттек.


Подробнее...

Муниципаль район хакимиятендә

Эшлекле шартларда

Үткән җомга көнне муниципаль район хакимияте башлыгы Илдар Мостафин, хакимият вәкилләре,  авыл советы авыл биләмәләре башлыклары, район оешма-предприятие, учреждение җитәкчеләре катнашлыгында киңәшмә үтеп, анда узган елда башкарылган эшләргә анализ ясалды, киләчәккә планнар төзелде, перспектив максатлар куелды. Аны муниципаль район Советы секретаре Игорь Никифоров алып барды.


Подробнее...

Безгә язалар

Ярдәмчел җитәкче

Без, Анач авылы халкы, «Илеш МТС» җәмгыяте директоры Рәвис Зариповка зур рәхмәтебезне җиткерәбез. Ул һәрвакыт халык мәнфәгатен кайгыртып яши.


Подробнее...

Страница 5 из 206