Район халкы игътибарына!

Агымдагы елның 27 июнендә  БР Дүртөйле районы һәм шәһәре  буенча халыкны социаль яклау республика үзәге филиалы ДКУның Илеш районы бүлеге тарафыннан «Протез-ортопедик үзәге» җәмгыяте республикада яшәүче һәм инвалид булмаган гражданнарны протез-ортопедик изделиеләр белән тэмин итү буенча дәүләт контракты төзелде.

 Контрактка ярашлы, медицина күрәсәтмәләре буенча протезлауга мохтаҗ, әмма инвалид түгел  гражданнар Уфа шәһәре, Комсомол урамы, 15нче йорт  адресы буенча протез-ортопедик издедиләр белән тәэмин ителә.

Кызыксындырган сораулар буенча  БР Дүртөйле районы һәм шәһәре  буенча халыкны социаль яклау республика үзәге филиалы ДКУның Илеш районы бүлегенә түбәндәге адрес буенча мөрәҗәгать итәргә була: Югары Яркәй авылы, Пушкин урамы, 3. Телефон: 8(34762) 5-16-75.


Форум Уфада үтәчәк

Шанхай хезмәттәшлек оешмасы һәм БРИКС илләре төбәкләре эшкуарлары арасында хезмәттәшлекне үстерүгә шартлар булдыру өчен агымдагы елның 27-29 сентябрендә Уфада Русия һәм чит илләр субъектларының рәсми делегацияләре катнашлыгында ШОС һәм БРИКС илләре төбәкләренең III Кече эшкуарлык форумы үтәчәк.


Башкорт яшьләре дусларын җыйды

Яшьләрне  туплау, тәҗрибә уртаклашу, милли мәдәниятне һәм башкорт халкының рухи-әхлакый кыйммәтләрен пропагандалау, халыклар арасындагы дуслыкны ныгыту максатында узган атнада район үзәгенең Сабантуй яланында  Бөтендөнья башкортлары корылтае Башкарма комитеты, БР Мәдәният министрлыгы, Башкортстанның «Яшь гвардия» төбәк җәмәгать оешмасы һәм Илеш районы муниципаль район хакимияте оештыруында “Башкорт яшьләре дусларын җыя!” дип исемләнгән икенче ачык республика яшьләр җыены үтте. Өч көн дәвамында барган бәйрәмдә республиканың 36 районыннан 300дән артык кеше катнашты. 


Язылу вакыты озайтылды

2017елның икенче ярты еллыгына татар, урыс телләрендә район басмасына язылу  15 июльгә кадәр озайтылды. Элемтә бүлекчәсе аша ярты елга язылу бәясе -  956 сум 22 тиен. Бөек Ватан сугышы ветераннарына, I, II группа инвалидларга ярты елга язылу бәясе –874,14 сум. Район үзәгендә, шулай ук авылларда яшәүчеләргә редакциягә кереп тә язылырга мөмкин.

 Русия матбугатының алтын фондына кертелгән «Маяк» - район халкы өчен! Аңа язылырга ашыгыгыз! Индексларыбыз – 58959 (татарча), 50754 (урысча).

Илеш, Кушнаренко, Дүртөйле, Чакмагыш районнары өчен башкорт телендә чыгачак «Сарманай» гәзитенә язылу бәясе ярты елга – 196,20 сум. Бөек Ватан сугышы ветераннарына, I,II группа инвалидларга  – 186,96 сум.  Индексы – 000638.

Балалар өчен ял күңелле үтә

Авыр тормыш хәлендә калган балаларны ял иттерү һәм сәламәтләндерү максатында  БР Дүртөйле районы һәм шәһәре  буенча халыкны социаль яклау республика үзәге филиалы дәүләт казна учреждениесенең Илеш районы бүлеге  тарафыннан «Орленок» балалар ял-сәламәтләндерү лагеренда  Исәмәттәге социаль приюттан, күп балалы, тулы булмаган һәм аз тәэмин ителгән гаиләләрдән 30 сабыйга ял оештырылды. 


Страница 10 из 331