Спорт

Котлыйбыз!

Дзюдо көрәшендә  - иң-иңнәре

Шаран районында дзюдо көрәше буенча Н.Агапитов призына Тирә-як мохитне саклау елына багышланган ачык турнир үтте. Анда беренче һәм икенче балалар-яшүсмерләр спорт мәктәпләрендә шөгыльләнүче укучылар  катнашып, Илеш көрәшчеләре шәхси беренчелектә призлы урыннар алуга иреште.


Подробнее...

Милли көрәш батыры призына

Башкортстан элек-электән үзенең көрәшчеләре белән дан тоткан. Сабантуйларда, милли бәйрәмнәрдә мәйданга бил бирмәс көрәшчеләр чыккан. Җиңүчеләргә приз урынына чигелгән тастымал һәм тәкә бүләк иткәннәр. Соңгы елларда бу спорт төре күп кенә район-шәһәрләрдә популярлашып китте. Көрәш рәсми рәвештә олимпия уеннарына кермәгән Халыкара спорт төренең берсе булып тора. Әледән-әле  билбау белән көрәш буенча Европа һәм дөнья чемпионатлары, шулай ук милли бе-ренчелекләр уздырыла.

Районда да милли көрәш-кә зур игътибар юнәлтелгән. Милли традицияне – Сабантуй батырларының алышын дәвам итүче бил бир-мәс егетләр төрле көрәш алымнарын кулланып, бу спорт төрендә елдан-ел камилләшә бара. Әл-бәттә, аның буенча даими уздырылган ярышларның да йогынтысы зур монда. Югары Яркәйдәге беренче балалар-яшүсмерләр спорт мәктәбендә спорт мастеры Ринат Шәяхмәтов призына яшүсмерләр арасында милли көрәш буенча уздырылган турнир да шуны раслады.

Бәйгене ачу тантанасында БР Милли көрәш һәм билбау көрәше буенча федерация рәисе Вәкил Ильясов, муниципаль район хакимияте башлыгы урынбасары Рубин Галимов, милли көрәш буенча район попечительлек советы рәисе Фәгыйтьҗан Зарипов, спорт мастеры Ринат Шәяхмәтовның дуслары -Уфа шәһәреннән Александр Ким, Агыйделдән Радик Уразбахтин, Кушнаренкодан Рәмил Бәширов, Иске Татыштан Марат Хаҗиев катнашып, юбилярга тәбрикләү сүзләре җиткерде, яшь спортчыларга уңышлар теләде. Ринат Гали улына спорттагы югары уңышлары һәм милли көрәшне популярлаштырганы өчен муниципаль район хакимиятенең, БР Милли көрәш һәм билбау көрәше федерациясенең Рәхмәт хатлары тапшырылды.

Бәйгедә Октябрьский, Дүртөйле, Агыйдел, Туймазы шәһәрләре, Бакалы, Шаран, Илеш районнары спортчылары 6 авырлык үлчәм категориясендә көчләрен сынады, осталыкларын күрсәтте.

Турнир нәтиҗәләренә килгәндә, 45 кг авырлык категориясендә Йонны төп мәктәбеннән Илдар Сәлимгәрәев – беренче, Рсайдан Эдуард Ямалиев – икенче, Югары Яркәйдәге беренче гимназиядән Илдус Исламов өченче урынны яулады.  50 кг авырлыкта Югары Яркәйдәге беренче гимназиядән Айнур Кәримов – беренче, Илшат Ибрашов - өченче, Шаран районыннан Динар Макеров – икенче урында. Шараннан Вадим Имаев (55 кг), Евгений Бикташев (60кг) беренче урынга чыкса, Аккүздән Нияз Кадербәков (55), Айвар Хәсбиев (60) белән Югары Яркәйдәге беренче гимназиядән Эдуард Миңнекәев (55), Йонныдан Тимур Шәехморзин (60) икенче-өченче урыннарны бүлеште. 65 килограмм авырлыкта Фидан Хәсбиев (Агыйдел) – беренче, Айдар Хәбибулллин (Туймазы) – икенче, Артур Шәрәфетдинов (Октябрьский)- өченче урыннарда.  65 килограммнан югарырак категориядә Альфир Шәйдуллин (Бакалы) – беренче, Дәүләт Гамилов (Түбән Яркәй) – икенче, Олег Петухов (Агыйдел) өченче урынга ия булды.  Азактан финал бәйгесе оештырылып, абсолют чемпион исемен райондашыбыз Дәүләт Гамилов яулады. Көрәш җиңүчесе – абсолют батыр тәкә белән бүләкләнде. Барлык призерларга Дипломнар, медальләр һәм бүләкләр бирелде.


Безнең хоккейчылар – өченче

Югары Яркәйдәге беренче балалар-яшүсмерләр спорт мәктәбе базасында - үзәк стадионда муниципаль район хакимияте башлыгы призына хоккей буенча турнир үтте. Анда БРның Илеш, Кушнаренко районнары, җыелма - Татарстан Республикасының Актаныш районы Байсар авылы һәм Уфа шәһәренең “Газ+” командалары катнашып, үзара көч сынашты.

Нәтиҗәләргә килгәндә, башкаланың “Газ+” командасы җиңү яуласа, ТРның Актаныш районы Байсар спортчылары– икенче, Илеш хоккейчылары өченче урынга лаек булды. Иң яхшы капкачы исемен  райондашыбыз Денис Кәбиров алды. Җиңүчеләрне тәбрикләү тантанасында муниципаль район хакимияте башлыгы Илдар Мостафин катнашып, кубок-лар, медальләр, грамоталар һәм бүләкләр тапшырды.


Подробнее...

Тырышлыгы уңыш китерә

“Тырышкан – ташка кадак каккан”, дип бер дә юкка әйтмәгәннәр. Югары Яркәйдәге Т.Рахманов ис. урта мәктәпнең 2 сыйныф укучысы Д.Гари-фуллинаның шушы сыйфаты спорт күгендә беренче ныклы адымнарын ясарга ярдәм итәдер дә, мөгаен.

Динара йөзү белән шөгыльләнә. Әйткәндәй, ул икенче балалар-яш-үсмерләр спорт мәктәбенә 2012-2013 уку елында гына йөри башлаган. Шуңа карамастан, әлеге спорт төренең нечкәлекләрен тирәнтен өйрәнергә тырыша. Бу аңа ярышларда катнашып, үз мөмкинлекләрен сынап карарга этәреш бирә. Һәм, әйтергә кирәк, беренче уңышлары бар да инде.


Подробнее...

Иң җитезләре -җиңүче

Кышкы полиатлон  буенча Русия Конституциясе көненә багышланган ярыш үтте. Анда пневматик винтовкадан ату буенча бәйгедә хатын-кызлар арасында Г.Нәүширванова (Югары Яркәйдәге беренче гимназия)-беренче, М.Габделисламова (Югары Манчар) белән И.Мәрһәмова (Кужбахты) икенче-өченче урыннарны бүлеште. Ир-егетләр арасында И.Диниев җиңү яуласа, Ф.Шәймәрданов белән Р.Миркасыймов (барысы да беренче гимназиядән) -икенче-өченче урыннарда.


Подробнее...

Страница 6 из 12