Культура

Чараларда

Яшь артистлар бәйрәме

Район балалар сәнгать мәктәбендә бүгенге көндә хореография, фортепиано, хор бүлекләрендә, баян, тынлы уен кораллары, сынлы сәнгать классларында 309 бала белем ала. Ел дәвамында алган белемнәрен кызлар-егетләр төрле республика, зона, район конкурс-фестивальләрендә күрсәтеп, зур җиңүләргә ирешәләр.

 

Бу уңышлар, Яңа елга багышланып, мәктәпнең актовый залында үткән отчет концертында да чагылыш тапты. Ул 21 номердан торып, сәнгать мәктәбе директоры Л.Габдуллина һәм укытучылар – Л.Таҗиева, З.Шәрипова, Ч.Хирәҗева, Г.Хөснетдинова, Р.Абдуллин, Р.Ногъманов, В.Закиров, И.Камалетдинова, А.Фаязова, С.Шәрифуллин, И.Хәйбрахманов, Р.Мифтахова төркемендә шөгыльләнүче укучыларның чыгышлары җылы кабул ителде, тамашачылар тарафыннан көчле алкышларга күмелде.

Гөлназ Хафизова.